Bedyddwyr Gorllewin Morgannwg

 

West Glamorgan Baptists

 

 

M

G

B

B

G

Y mae’n bleser gennym groesawu Gwefan newydd Bedyddwyr Gorllewin Morgannwg, a dymunwn i’r tim sydd yn ei reoli bob hwyl a bendith yn y gwaith cyffrous hwn.

Golygyddion y Gigfran Wen

Cyfarchion

Eglwys Y Tabernacl, Yr Aes, Caerdydd

 

Mae’n hyfryd deall fod Cymanfa Gorllewin Morgannwg wedi creu gwefan o’r newydd, yn etsyn cyfle ar gyfer eich aelodau i ddal cyswllt cryfach gyda’ch gilydd. Un o nodweddion cadarnhaol y Beyddwyr yw ein bod yn parchu ein hannibyniaeth wrth ddatblygu rhwydweithiau. Teulu yw’r gymuned Gristnogol, ac mae’r wefan hon yn help i’w hyrwyddo. Gobeithiwn y bydd modd i ni rannu llawer o adnoddau gyda’n gilydd i’r dyfodol, ac y bydd y Deyrnas ar gynnydd wrth i bobl y ffydd ddwyn tystiolaeth fel hyn. Boed i Grist fendithio’r gweithgarwch er ei glod.

Denzil Ieuan John

(Gweinidog)

Y mae Undeb Bedyddwyr Cymru yn dymuno llongyfarch Cymanfa Bedyddwyr Gorllewin Morgannwg ar achlysur lansio gwefan newydd ac i ddwyn ei chyfarchion cynhesaf a’i dymuniadau da i’r fenter gyffrous hon.

Mewn cyfnod pan mae cyfathrebu effeithiol yn gwbl hanfodol, y mae sefydlu gwefan fel hon yn gam cadarnhaol i hwyluso gwybodaeth i’r eglwysi, i unigolion ac i’r gymuned. Mawr obeithiwn y bydd yn fenter lwyddiannus, ac yn fodd i ymestyn ein cenhadaeth a’n gweinidogaeth fel enwad. Y nod yw dyrchafu Iesu yn Arglwydd Bywyd a’r gobaith ydyw cefnogi a chalonogi’r eglwysi i sylweddoli’r nod hwnnw o fewn eu trefniadaeth a’u traddodiad.

Y Parchg Peter M. Thomas

Ysgrifennydd Cyffredinol Undeb Bedyddwyr Cymru

Bendith ar y gwaith!!

Mae’n hyfrydwch eich croesawu i fyd y wefan gan obeithio y bydd y cyfrwng pwysig hwn yn gyfle i chi ymestyn eich cenhadaeth. Rydym yn byw ym myd y cyfrifiadur sydd wedi newid yn ddramatig y ffordd fyddwn yn cyfathrebu. Y mae’n gyfle gwych i ehangu’r modd y gallwn gyrraedd pobl gan ddefnyddio’r dulliau mwyaf modern i gyfleu’r Gwirionedd.

 

Dweud stori yw’r nod, gan gyrraedd pobl ble ma’ nhw, ac mewn dull y maent yn hollol gyfarwydd ag ef.

Mae’n werth cofio bod gan yr Arglwydd gyfrwng ar gyfer pob cyfnod a’n cyfrifoldeb ninnau yw defnyddio pob cyfrwng sydd gennym i hyrwyddo’r neges.

Peter Dewi Richards

Ar ran Eglwys Gymraeg Canol Llundain.

Cyfarchion a dymuniadau gorau i’ch gwefan newydd. Y mae gennym neges am newyddion da mewn cyfnod a byd sy’n llawn o newyddion drwg, a’n cyfrifoldeb ydyw defnyddio pob cyfrwng posibl i’w throsglwyddo. Boed i’r Arglwydd arddel a bendithio’r fenter hon a’ch gwaith.

Y Parchg Olaf Davies

Llywydd Undeb Bedyddwyr Cymru

W

Cyfarchion

Anerchiad

Capel Gomer

Undeb Llanelli 2010

 

Digwyddiadau

Hafan

Hanes

Gwefannau

Swyddogion

Yr Eglwysi

English

Eglwysi Treforus