|
Bedyddwyr Gorllewin Morgannwg West Glamorgan Baptists |
|
WGB |
|
BGM |
|
Cymanfa Bedyddwyr Gorllewin Morgannwg Cyrddau Hanner Blynyddol a gynhaliwyd yn Ebenezer Aberafan ar Ddydd Mercher Hydref19eg, 2011 o dan lywyddiaeth medrus llywydd y Gymanfa, Y Bugail Henry Dunn Williams. Dechreuwyd y Gynhadledd am 3 o’r gloch y prynhawn gyda gair o groeso a gweddi agoriadol gan ein llywydd. Rhannwyd i dri is-bwyllgor - Y Weinidogaeth; Efengylu; Eglwys a Chymdeithas ac fe gafwyd trafod brwd a buddiol. Am 4.30 cafwyd te ysgafn a diolchwyd i Mrs June George a chwiorydd hynaws Ebenezer am y paratoi trylwyr. Yna, am 6 o’r gloch yr hwyr, wedi’r defosiwn agoriadol, eto dan ofal ein llywydd, cafwyd cyfle arall i fwynhau cyflwyniad y Gymanfa. Er i lawer ohonom gael y cyfle i weld y cyflwyniad adeg yr Undeb ym Mhenuel Casllwchwr eleni, roedd y wefr a’r fendith yn dal mor ffres ag erioed. Diolch i’r Parchg. Eirian Wyn a’i dîm am eu holl ymdrechion. Yna bu ysgrifenyddion y gwahanol bwyllgorau yn crynhoi trafodaethau y prynhawn. Y Weinidogaeth. Prif bwyntiau. Ian Hughes wedi dechrau yn Seion Llanelli am flwyddyn; Vivian Rees wedi ymddeol; Peter Harries Davies wedi sefydlu ym Methesda Glanaman; Richard Taylor yn weinidog Lleyg Calfaria Sgiwen; Steven Lee wedi sefydlu ym Mracla Penybont; Oedfa Ordeinio John Derek Rees Sadwrn yma. Efengylu Prif bwyntiau. Agor y llyfr yn yr ysgolion Cymraeg yn llwyddiant – ymestyn i gynnwys Ysgol Gymraeg newydd Tan-y-Lan Treforus. Newid enw’r pwyllgor i Bwyllgor y Genhadaeth. Anfon llythyr i Didcot ynglyn â chynrychiolydd y BMS yng Nghymru. Eglwys a Chymdeithas Cau ysgolion oedd gofid pennaf y pwyllgor hwn.
O dan unrhyw fater arall trafodwyd Llythyr y Parchg Victor Evans yn gofyn i’r Gymanfa i wneud cais i’r llwyfan am gael neilltio ystafell yng Nghapel Gomer yn ystafell ymchwil a fydd yn gartref i’r llyfrau a fu hynt yn Nhŷ Ilston. Derbyniwyd yr awgrym Codi tanysgrifiadau i’r Gymanfa o £1 y pen i £2 o fis Ionawr 2012. Cyfeiriwyd at y rhoi sy’n dost, Y Parchedigion Tegfan Griffiths; Alun Petty a’i briod Marjorie; Hugh Francis a Sion Alun ac anfonwyd cyfarchion atynt. Diolchodd llywydd yr Undeb y brawd Glyndwr Prideaux am gefnogaeth parod y Gymanfa adeg y cyrddau blynyddol ym Mhenuel Casllwchwr. Canwyd emyn a chyhoeddwyd y fendith.
Os Duw a’i myn, awn i Seion Newydd Treforys ym Mis Mai (28 – 30) 2012 i anrhydeddu ein darpar lywydd, Miss Aldyth Williams a dyrchafu enw’r Iesu - yr enw sydd goruwch pob enw arall. H. Vincent Watkins Ysgrifennydd. |